जनकपुर टुडे

२०८१ फाल्गुन २८, बुधबार १६:५०

जनता समाजवादी पार्टीका केन्द्रिय अध्यक्ष अशोक राईले पूर्व राजालाई पार्टी खोलेर प्रतिस्पर्धामा आउन सुझाव दिएका छन् ।

बुधबार जनकपुरधाममा आयोजीत सपथ ग्रहणसभा तथा पार्टी प्रवेस र होली मिलन समारोहमा बोल्दै अध्यक्ष राईले पूर्व राजा ज्ञानेन्द्र साहले सडकमा प्रर्दशन गर्नुभन्दा चुनाव लडेर सत्तामा आउन सुझाव दिएका हुन् । उनले भने,‘लोकतन्त्रमा विरोध गर्ने अधिकार छ,राजतन्त्रमा विरोध जुलुस निकालेको भए कारवाही हुन्थ्यो ,तर्सथ लोकतन्त्र वैज्ञानीक शाषण प्रणाली हो ।’ उनले काठमाण्डौमा गरिएको प्रर्दशनबाट विचलित हुनुपर्ने अवस्था नरहेको बताउदै लोकतन्त्रकै सुन्दरता भनेको लोकतन्त्रमा विरोध गर्ने सबैको अधिकार रहेकोले यसबाट विचलीत हुनु नपर्ने बताए ।अध्यक्ष राईले जनताले खोजेको जस्तो संघियता आउन नसकेको स्विकार गर्दै जेजस्तो भएपनि संघियतालाई बचाउनुपर्ने अवस्था रहेको र राजतन्त्र ल्याउन खोज्ने संघियता विरोधी रहेको बताए ।

अध्यक्ष राईले छिटै नै प्रतिनिधीसभाले निजामती सेवा ऐन पास गर्ने जानकारी दिनुभयो । उनले वर्षे अधिवेसनमा सो ऐन पास हुनेमा ढुक्क रहेको विश्वास व्यक्त गर्नुभयो । त्यस्तै, नेपाल प्रहरी र सशस्त्र प्रहरीको ऐन समितिमा छलफलको लागि गएको र यो एन पास भएपछि संघियता बास्तविक अभ्यासको थालनी हुने बताए ।

कार्यक्रममा विभिन्न पार्टी परित्याग गरि ५० जनाभन्दा बढी युवाहरुले जसपा प्रवेश गरेका छन् । साथै हाल गठन भएको प्रदेश समितिका पदाधिकारीहरुले सपथ ग्रहणसमेत गरेका छन् ।